அஜித் ரசிகர்கள் பெரிதும் எதிர்பார்த்த வலிமை திரைப்படம் ஒரு வழியாக வெளியாகி தியேட்டரை விட்டும் சென்றுவிட்டது. இப்படம் கலவையான விமர்சனங்களை பெற்றது. ஆனாலும், இதைப்பற்றியெல்லாம் கவலைப்படாமல் வலிமை படக்குழு அடுத்த படத்திற்கு தயாராகி விட்டது.
வலிமை படத்துக்கு பின் மீண்டும் ஹெச். வினோத் இயக்கத்தில் அஜித் ஒரு புதிய படத்தில் அஜித் நடிக்கவுள்ளார். இப்படம் அஜித்தின் 61வது திரைப்படமாகும். இப்படத்தில் ஹீரோ, வில்லன் என இரட்டை வேடத்தில் நடிக்கவுள்ளார் அஜித். இப்படத்தையும் போனிகபூரே தயாரிக்கவுள்ளார்.
இந்நிலையில், இப்படத்தின் படப்பிடிப்பு வருகிற ஏப்ரல் மாதத்தின் 2ம் வாரம் துவங்கவுள்ளதாக செய்திகள் வெளிவந்துள்ளது. மேலும், இப்படத்தை இந்த வருட தீபாவளிக்கு கொண்டு வர படக்குழு திட்டமிட்டுள்ளது. எனவே, அஜித் 61 படம் அஜித் ரசிகர்களுக்கு தீபாவளி விருந்தாக அமையும் என்பதில் சந்தேகமே இல்லை.