வினோத் இயக்கத்தில் அஜித் நடித்து வரும் திரைப்படம் வலிமை. ஆனால், படம் பற்றிய எந்த அப்டேட்டும் இதுவரை வெளியாகவில்லை. இதனால் அஜித் ரசிகர்கள் அதிருப்தி அடைந்துள்ளனர்.
சமீபத்தில், வலிமை படப்பிடிப்பு தளத்தில் அஜித்தை சந்தித்த ரசிகரிடம் வலிமை பற்றிய முக்கிய அப்டேட்டை அஜித் கொடுத்தார். இந்த தகவலை அந்த ரசிகர் தனது டிவிட்டர் பக்கத்தில் தெரிவித்துள்ளார். தல அஜித்திடம் வலிமை அப்டேட் கேட்டேன். பிப்ரவரி மாத இறுதியில் வலிமை அப்டேட் வெளியாகும் என அஜித் என்னிடம் கூறினார் என அவர் தெரிவித்தார். அதோடு, அஜித்துடன் எடுத்துக்கொண்ட புகைப்படத்தையும் அவர் பகிர்ந்திருந்தார். இதை வைத்து பார்க்கும் போது பிப்ரவரி மாத கடைசிக்கு பின் வலிமை படம் பற்றிய அப்டேட் ஒவ்வொன்றாக வெளியாகும் என எதிர்பார்க்கப்பட்டது.
இந்நிலையில்தான், இப்படத்தின் தயாரிப்பாளர் போனிகபூர் ஒரு பத்திரிக்கைக்கு அளித்த பேட்டியில் ‘வலிமை படத்தின் படப்பிடிப்பு பிப். 15ம் தேதிக்குள் முடிந்துவிடும். ஒரு ஸ்டண்ட் காட்சி மட்டும் வெளிநாட்டில் எடுக்கப்படவேண்டும். போஸ்ட் புரொடெக்ஷன் பணிகள் விரைவில் துவங்கவுள்ளது. படம் எப்போது ரிலீஸ் என்பது விரைவில் அறிவிக்கப்படும்’என தெரிவித்ததாக செய்திகள் வெளியானது.
இந்நிலையில், போனிகபூர் தனது டிவிட்டர் பக்கத்தில் ‘வலிமை படம் மீதான உங்கள் அன்புக்கு தலை வணங்குகிறேன். வலிமை படத்தின் ஃபர்ஸ்ட் லுக் போஸ்டரை வெளியிடும் பணியில் ஈடுபட்டுள்ளோம். கொஞ்ச நாள் பொறுத்திருங்கள்’ என பதிவிட்டுள்ளார். போனிகபூரே அதிகாரப்பூர்வமாக வலிமை பட அப்டேட்டை கொடுத்திருப்பது அஜித் ரசிகர்களை உற்சாகப்படுத்தியுள்ளது.
Wanakam. Humbled by your love towards our film “Valimai”. Bear with us as we work on presenting the First look soon. It’s in the best interests of the film. #Valimai #ValimaiUpdate #AjithKumar
— Boney Kapoor (@BoneyKapoor) February 15, 2021