சூர்யா பல படங்களில் நடித்திருந்தாலும் அவர் நடித்த சூரரைப்போற்று திரைப்படம் அவர் மீது ரசிகர்களுக்கு இருந்த இமேஜை மாற்றியது. பல வருடங்களாய் ஆக்ஷன் படங்களில் நடித்து வந்த சூர்யா, தனக்கு நடிக்கவும் தெரியும் என நிரூபித்தார். இப்படம் மூலம் சிறந்த நடிகராக மாறினார் சூர்யா. தற்போது இப்படம் பாலிவுட்டில் எடுக்கப்படவுள்ளது. இப்படத்தை சுதா கொங்கரா இயக்கியிருந்தார்.
சூர்யா தற்போது பாலா இயக்கத்தில் ஒரு படம் மற்றும் வெற்றிமாறன் இயக்கத்தில் வாடிவாசல் என 2 படங்களில் ஒரே நேரத்தில் நடிக்கவுள்ளார். இந்த 2 படங்களும் முடிந்த பின் சிறுத்தை சிவா இயக்கத்தில் ஒரு படத்தில் நடிக்கவுள்ளார். அந்த படம் முடிந்த பின் மீண்டும் சுதா கொங்கராவுடன் சூர்யா இணையவுள்ளார்.
இப்படம் பற்றி கருத்து தெரிவித்துள்ள சுதா கொங்கரா ‘மீண்டும் சூர்யாவுடன் இணைவது உண்மைதான். ஆனால், அது பயோபிக் இல்லை. சூரரைப்போற்று படத்தை விட எனக்கு ரொம்ப சவாலான படமாக அது இருக்கும். பெரிய பட்ஜெட் படம். உண்மை சம்பவத்தின் தழுவலா அந்தப்படம் இருக்கும். அந்த படத்தின் வேலைகள் எப்போதும் துவங்கும் என காத்துக்கொண்டிருக்கும்’ என அவர் கூறியுள்ளார்.